Apo Paralu Kito Adokan Seminar Gadang Tantang PRRI ko?

On Behalf Of Dr.Saafroedin BAHAR

Para sanak sa palanta,

Mancaliak ‘meriah’-nyo postings di Rantau Net ko, mungkin ado rancaknyo suatu kali kito adokan FGD, bahkan kalau paralu seminar bana. untuak mambahas sagalo aspek tantang PRRI tu. Rasonyo masih ado babarapo palaku nan masih hiduik, baiak nan bapihak ka PRRI maupun nan barado di pihak NKRI [pak Jacky Mardono jo ambo di siko].

Kito sigi bana batanang-tanang, apo latar belakangnyo, baa mako pajanjian jo Simbolon dan Barlian indak talaksana, baa mako pak Husein indak mamatuhi pasan pak Hatta, baa curitonyo pertempuran antaro pasukan PRRI jo TNI plus OPR, baa mako Amerika babaliak dari mambantu PRRI kudian jadi mambantu TNI, bara korban kaduo balah pihak dll.

Kabatulan wakatu ambo manyusun disertasi, ambo mangumpuakan banyak bahan soal PRRI ko, tamasuak mamawancarai Kolonel George Benson, mantan atase pertahanan Amerika di Jakarta. Apolagi ambo panah jadi Hakim Perwira mangadili Jayusman nan manjadi Ketua Biro Khusus PKI untuak Daerah Sumatera Barat.

Bilo wakatunyo ? Kalau ambo haruih ikuik, yo sasudah Kongres Minangkabau, sakitar bulan September, kalau dapek di Jakarta.

Wassalam,
Saafroedin Bahar


About this entry