Diskusi : Tuanku Imam Bonjol versus ABSSBK

Pak Saf yang baik dan para dunsanak

Ambo indak maikuti lagi perlembanhgan rencana seminar Tuanku Imam Bonjol Setelah kalua rumah sakik banyk juo kawan kawan nan datang dan bacarito macam macan Antaro lain masalah Pengalaman nan pak Saf alami sediri mengenai PUNAH, Harto Pusako Kawin sasuku dll nan indak dimanagarati lagi oleh generasi sekarang. Kalau sasarannyo pembenahan kembaki ADAT MINANGKABAU rasonyo ambo sependirian akan terlalu jauh kebelakang kalau star lagi dari Imam Bonjol dengan Kesepakan Marapalam dll.

Akan lebih praktis dimulai sajo dari ABSSBK nan alah beberapa kali dikupas tapi rasonyo ALUN TUNTAS Setidaknya apo sajo nan alah disepakati apo sajo nan alun Iko Satahu ambo indak ado dokumentasi yang lengkan apo nan alah dibahas itu Satau ambo a nan dibicarokan di Bukittinggi Batusangkan bahkan dengan yang serem serem seperti Minagkabau di tepi jurang dll dll masih bacarai barai Dibahal lagi baru bilo takana Akhirnyo kito baputa outa jalan ditampekl Yang dibicarokan sabananyo itu kaiyu juo.

Ambiak lah seminanr di Padang Apakah ado prosedingnyo Apakan sebelumnyo disampaikan dan dievaluasi apo sajo nan alah dibicarokan sebelumnyo Terus terang ambo paning ota itu kaitu membahas a nan takana drngan versi apo nan ado dikapalonyo saat itu Ini berlaku denga apo nan dibahas di Bukittinggi Batusangka Tidak pernah dijadikan rujukasn Ambo alah bicaro dengan Rektor Unand dan Dekan Fakultas Sasta yang akan bersedias mengomulasinya.

Mohonlah pak Saf pertimbangkan Rasonyo bola adp ditangan pak Saf UNand akan ada dibelakannya
Chaodor N Latief
============

Assalamualaikum w.w. Pak Chaidir,

Ambo basyukur pak Chaidir alah aktif baliak. Sakadar info untuak pak Chaidir tantang pakambangan kini, izinkan ambo manyampaikan sabagai baikuik.
1. Ronde pambicaraan nan kini adolah sabagai respons dari gugatan surang nan banamo Ir Mudy Situmorang, nan maminta supayo gala ‘Pahlawan Nasional’ dari Tuanku Imam Bonjol dicabuik, karano baliau malanggar HAM sanak kito dari Batak. Info tantang gugatan baliau ko ko disampaikan surang sanak kito malalui Rantau Net. Basamoan jo itu kini alah tabik cetakan kaduo dari buku ‘Tuanku Rao” karangan Ir Mangaraja Onggang Parlindungan, nan mabahas serangan Tentara Paderi ka Tanah Batak. Sairiang jo itu tabik pulo buku sarupo karangan Basyiral Hamdy Harahap, dosen sejarah UI, nan bajudul ‘Greget Tuanku Rao’ nan isinyo kurang baliah samo.

2. Saketek babeda jo para sanak kito nan lain, nan nampaknyo salain sakadar protes jo bangih-bangih sajo di balakang, atau takuik dan khawatir bilo diadokan seminar bisa-bisa ‘tukang panciang dilarikan ikan’, ambo sacaro langsuang manghubungi Sdr Mudy jo babagai fihak takaik supayo masalah ko dibahas sacaro akademik di perguruan tinggi. Kalau dipalapeh baitu sajo, bisa-bisa jadi masalah SARA. Baliau tu satuju.

3. Sabalun ambo manghubungi salah satu perguruan tinggi, kabatulan dalam kesempatan ambo manyarahkan arsip Papua — sabagai mantan Asisten Menteri Sekretaris Negara — ambo tanyokan ka Kapalo Arsip Nasional apo baliau basadio mamfasilitasi diskusi panel manganai Tuanku Imam Bonjol, karano manyangkuik aspek sejarah. Di lua dugaan ambo, baliau manyambuik jo senang hati, dan manugehkan Dra Mona Lohanda, surang deputi beliau untuk melaksanakannyo. Jiko indak ado aral malintang, diskusi panel Parang Paderi itu akan diadokan di Gedung Arsip Nasional tanggal 22 Januari 2008. Rapek koordinasi antaro ambo ditambah utusan panguruih Gebu Minang jo Ibu Mona Lolanda akan diadokan hari Jumat tanggal 7 Desember jam 09.30 WIB di Lt IV Gedung Arsip Nasional. Kok lai ado kaluangan pak Chaidir, ambo undang pak Chaidir hadir.

4. Sahubungan jo itu, karano baliau akan dinas ka nagari Balando, dan Bu Mona jugo sibuk, ambo buek draft Kerangka Acuan, dan draft itu ambo sebarluaskan, antaro lain ka pak Bachtiar Abna SH MH dari LKAAM Sumbar dan Ibu Dra Adriyetti Amir SU Dekan Fakultas Sastra Unand. Kaduo baliau tu manyambuik baiak, dan akan mangadokan focus group discussion tantang Parang Paderi dan ABS SBK ko tanggal 14 sora dan 15 Desember pagi di Padang. Insya Allah ambo akan hadir di Padang pado tanggal tu. Kalau pak Chaidir alah sehat bana, ado rancaknyo pak Chaidir meninjau untuak mangatahui sampai dima parsiapan makalah di duo limbago itu.

5. Samantaro tu, Gebu Minang Pusat alah maminta kapado Prof Dr Asmaniar Idris dan Dra Amrin Imran — para panulis buku ‘Sejarah Minangkabau’ (1970)– untuak mambuek makalah tantang Parang Paderi ko untuak disajikan dalam diskusi panel bulan Januari 2008 di Arsi;p Nasonal. Makalah ko alah salasai, alah dipaparkan di rapek pengurus Gebu Minang, dan sadang dipeloki. Pak Chaidir bisa mintak makalah tu ka Bu Warni.

6. Di nagari Balando ado sanak kito nan sadang maambiak S3, yaitu Drs S Suryadi, nan bamimat kuaik dalam soal sejarah ko, dan kini sadang mancari dokumen sejarah tentang ado indaknyo ‘Piagam Bukik Marapalam’ tu. Manuruik baliau ado tando-tando baiak dari catatan urang Balanda nan maadokan panalitian ka Sumatera Barat tahun 1833-1838.

7. Tantang ABS ~SBK memang alah acok bana kito bahas, dan ujuang-ujuangnyo memang ado duo faham nan sampai kini alun bisa juo didakekkan. Baitu kasimpulan buku LKAAM tahun 2002, dan baitu juo kasimpulan semiloka masyarakat hukum Minangkabau nan ambo prakarsai sebagai komisioner Komnas HAM di Unand bulan Juni 2007.

Baitu juo kasimpulan kito di Rantau Net kon.. Kini tingga duo pilihan kito:
1) akan kito parambunkan sajo saparati itu atau
2) kito tuntaskan pembahasannyo. Sacaro pribadi ambo alah baulang-ulang manyarankan dalam Rantau Net ko supayo kito susun ‘Kompilasi Hukum ABS SBK’ sabagai salah satu wujud panyalasaian, tapi sakuaik tu ambo manyarankan, sakuaik tu tu pulo babarapo sanak kito manantangnyo. Indak ado kasimpulan apo-apo. Karano itu rancak kito baok ka nan rami dan dibahas dek limbago nan bawenang, yaitu LKAAM dan MUI Sumbar. Momennyo kini, dalam rangko mambahas Parang Paderi, karano ABS SBK tu kan salah satu ‘hasil’ Parang Paderi. Ambo mamiliah kito tuntaskan kini, dan pandapek ambo ko disambuik baiak dek LKAAM Sumbar nan akan maadokan FGD tanggal 15 Desember nan kadatang.

Ringkasnyo pak Chaidir, parsiapan nan kini ko labiah baiak dari sagalo wacana dan diskusi nan salamo ko kito adokan. Faktor nan baru adolah digunokannyo pendekatan ilmiah kesejarahan dan akan mandatangkan para ahli. Walau ambo indak bamimpi masaalah ko akan salasai sakali lacuik, paling tidak akan jaleh si upiak atau si buyuangnyo, nan bisa ditindaklanjuti tanpo ragu sasudah tu.

Sakian sajo dahulu info untuak pak Chaidir.

PS: Tantang masalah-masalah nan disampaikan dek kawan-kawan pak Chaidir, saparati soal punah, kawin sasuku atau harato pusako tun nan salamo ko ambo jadikan ‘entry point’ untuak mambahas adat Minangkabau, dapek ambo jalehkan bahaso inti masalahnyo adolah: dima bana lataknyo posisi Manusia Minangkabau dalam duo sistem nilai dan struktur sosial manuruik adat Minangkabau dan manuruik agamo Islam nan banyak bana bedonyo. Iko bana nan alun salasai. Apo alun wakatunyo masalah mendasar ko kito tangani sacaro mendasar pulo ? Apo akan kito wariskan bangkalai ko ka anak cucu kito sahinggo mereka tatap juo bapacah balah sarupo kito ?

Wassalam,
Saafroedin Bahar
============

Pak Saaf dan sanak sapalanta nan ambo hormati.

Ambo mandukuang dan sangat batarimo kasih usaho pak Saaf dalam jalan manuju panyalasaian ABSBSK. Awak mamandang sangat paralu dituntaskan, tapi saying, nan sabanano punyo kemampuan dan punyo kekuasaan untuak mandorong terlaksananyo kajiko. Nan punyo kekuasaan dan kito harokanko adolah pihak Pemda Sumbar. Iyo banyak nan diharapkan ka Pemda ko, dek mereka dipiliah kan untuak itu.

Nan sabanano, si pemdako kan mambari dukuangan dan legalisasi ka pihak kampus, pihak kampus melaksanakan dan kudian hasiano di sosialisasikan dan diuasahokan untuak dilegalisasikan. Tanpa legalisasi dan sosialisai hasia akhirno nantik akan jadi tumpukan kertas seminar yang tidak pernah disentuh. Sayangkan. Saparati kecek pak Chaidir, baa mangko satiok acara indak dibuek sambuang manyambung, saroman kaidah ilmu pengetahuan.

Sambuang manyambuang dengan merujuk dan memperbaiki pertemuan atau seminar sabalunno, sahinggo didapek kesimpulan nan dapek diapatangguangjawabkan sacaro akademis dan hukum adapt tantuno.

Taruihlah pak Saaf, kalau indak dilakukan bilo dan oelh sia lai.

Wassalam WW
Darul St Parapatiah
==============

Assalamualaikum w.w. pak Darul,

Tarimo kasih ateh dorongan sumangaik dari pak Darul. Tantang patanyoan pak Chaidir menganai prosiding seminar di Padang, dapek ambo sampaikan bahaso kini ko sagalo makalah tu sadang disunting dek Sdr Nanang Subekti, SE, staf Mahkamah Konstitusi. Kalau salasai, taba bukunyo k.l 390 halaman dan akan ditabikkan dek Sekretariat Jenderal dan Pusat Kajian Mahkamah Konstitusi, sabanyak 2000 (duo ribu) eksemplar. Judul bukunyo: “Membangun Masa`Depan Minangkabau dari Perspektif Hak Asasi Manusia”. Ambo akan mausahokan 100 (saratuih) buku untuk Gebu Minang.

Baa mako Mahkamah Konstitusi nan manabikkan ? Karano manuruik Pasal 51 Undang-undang Nomor 24 Tahun 23 tentang Mahkamah Konstitusi, masyarakat hukum adat adolah marupokan salah satu fihak nan bisa jadi Pemohon, sadangkan masyarakat hukum adat ko indak banyak nan mamparatikan. Saparati pak Darul katahui, ambo manangani hak masyarakat hukum adat ko di Komnas HAM sajak 2004 – 2007, dan karano indak banyak bahan, ambo adokan rangkaian pangkajian dan ambo tabikkan babarapo buku soal iko. [Sayangnyo, indak banyak pamangku adat kito nan baminat dalam soal kajian masyarakat hukum dalam perspektif HAM, babeda jo sanak kito dari Riau. Karano tu, ambo dukuang posisi Riau sabagai lokasi Sekretariat Nasional Perlindungan Hak Konstitusional Masyarakat Hukum, nan akan dikukuhkan dek Ketua Mahkamah Konstitusi Prof Dr Jimly Ashshiddiqie tanggal 10 desember 2008 jam 19.30 di Lt 1 Gedung Mahkamah Konstitusi. Kok pak Darul baminat,ambo kirimkan undangan ciek].

Insya Allah ambo akan jalan taruih, salain karano pananganan masalah ko adolah legal dan halal, ituang-ituang sabagai ‘amal jariah’ dari ambo.

Wassalam,
Saafroedin Bahar
=============

Pak Saf yang baik

Kawan kawan tu manyampaikan ka ambo karena mereka tau hubungan ambo dengan pak Saf Prosiding di Padang kan salah salah satu kasus Kan alah sangat banyak sebelumnya piliran pikiran nan sangat berguna dan berharga Ambo imgat malahan ado pulo yang juga diadakan oleh pak Syaf bersama oak Muchtar Naim Ado juo di Bukittinggi di Batusangka bahkan di Jakarta Iko yang tidak terkompi;asi dengan baik dan menjadi rujukan dalam kiro membicarakan seperti di ZPadang itu Kalau itu dirangkum kembali kan dapat ditelusuri dima nan masih bisa diperbaharui ‘ sakali aia gadang sakali tapian barubah ” Harto pusako sajo dalam perkembangan alah disesuaikan drngan pusako tinggi dan pusako randah Mohon pak Saf melihat apo nan disampaikan kawan kawan tu dari aspek yang kontrutif

Chaidir N Latief
===========

Pak Chaidir yang baik, mohon maaf agak kurang jaleh dek ambo apo inti pasan pak Chaidir dalam posting nan kini. Tolong pak Chaidir tambahkan penjelasannyo: apo sabaiaknyo ambo hantikan sajo mambahas masalah Minangkabau ko, supayo salasai sandiri ? Atau ambo taruihkan sampai salasai ?

Bahaso pemahaman adat sudah samakin tipis alah jaleh. Kok indak, indak katabik buku terbaru dari pak Amir MS Dt Manggung nan Sati, nan bajudul kalau ambo indak salah “Adat Minangkabau di Tepi Jurang Kehancuran”. Sabagai penganut ‘positive thinking’ ambo indak sacameh itu bana, jo duo syarat 1) janiahkan bana apo nan kito mukasuik jo ABS SBK; 2) latakkan Minangkabau tu dalam konteks NKRI. Kan itu judul buku ambto tahun 2004 dahulu.

Namun, manuruik rencana ambo, kalau diizinkan Allah swt,sasudah salasai diskusi panel Perang Paderi tanggal 22 Januari 2008 nanti, atau paliang lamo bulan Juni 2008, ambo akan mangurangi kegiatan ‘baminang-minang’ sacaro malimbago saparati salamo ko sampai tingkek minimum, karano 1) ambo maanggap sumbangan konseptual ambo sacaro mandasar untuak Ranah Minang rasonyo alah salasai, sakadar sabagai baleh budi ka Ranah; 2) wacana tantang Minangkabau ko alah sulik untuk bakambang karano konservatisme masih sangat kental; 3) untuk maagiah kesempatan ka nan mudo-mudo untuak mangambangkan maso depannyo surang, dan 4) karano ambo akan memasuki karir kaampek ambo, yaitu bakiprah di Sekretariat Nasional Masyarakat Hukum Adat nan akan dikukuhkan tanggal 10 Desember 2007 malam di Mahkamah Konstitusi, sambia tatap manjadi dosen di UGM dan Lemhannas.

Tantu sabagai perseorangan, akan tetap ambo bantu Ranah kito tu sapanjang takao dek ambo

Wassalam,
Saafroedin Bahar

chaidir latief wrote:

Pak Saf yang baik

Tewrusterang kalau pak Saf yidak memulai ranya debat dan wacana berjepanajang
Pemagaman adat budata Minang itu bana yang makin menipis

Chaidir N Latief
============

Pak Saf yang baik

Sabananyo alah mulai banayk nan mangkristal permasalahan adat Miangkabau bermuaro dari ABSSBK Banyak sekali hal hal menarik nan sangat esendiasl nan mulai dapat di pegang Tapi kan alun tuntas juo Kalau ditarik lagi kebelakangg ke Tuanku Imam Bonjol karano anrara lain serangan Situmorang apo ingak maabihkan energi mengabirkan apo nan alah kita capai Anak anak muda bank nan indak tau atau mau tahu sedangkan masa bajalan juo Ambo hanyo melihat dari segi praktis waktu dan jumlah urang nan peduli Prof Buchari pernah basalero mengkopulasi Terus terang lamo lamo mundur pulo karano bantuan nan tageh tu bana nan makin saketek

Chaidir N Latief
===========

Pak Chaidir yang baik,

Dalam semiloka di Universitas Andalas bulan Juni 2007 nan lalu tadapek kasan bahaso masih duo faham tantang ABS SBK tu. Kito cubo mandapekkan dalam diskusi Perang Paderi, karano ABS SBK tu dipandang lahir pado akhir Perang Paderi. Kok kusuik di ujuang pai ka pangka, bak kato pak Chaidir juo.

Wassalam,
Saafroedin Bahar
============

Sanak kasadonyo,

Ambo raso Penjelasan mengenai ABSSBK dikaitkan dengan sejarah TIB penting dibahas panjang lebar, agar catatan sejarah tidak terputus-putus dan berkelanjutan, jadi seminar bulan Januari perlu sekali diadakan.

Anzori
=====


About this entry